Në Gjykatën e Posaçme u zhvillua seanca e parë gjyqësore ndaj ish-kreut të Burgjeve Agim Ismaili, i akuzuar për hakerimin e sistemeve të SPAK bashkë me Arnold Rrokaj e Zambak Gjonin, ish-zyrtarë.
Gjatë seancës avokatët kërkuan të njihen me vendimin e gjyqtarit të seancës paraprake. "Nuk na është vënë në dispozicion ai vendim. Ne kërkojmë që të ndërpritet kjo seancë në mënyrë që të njihemi me vendimin", theksuan ata.
SPAK u shpreh të pranohet kërkesa e të pandehurit sa i takon vënies në dispozicion të vendimit, por të pezullohen afatet e paraburgimit për të pandehurit.
Gjykata e konsultuar në vend vendosi që të pranoje kërkesën e mbrojtes në mënyrë që t’i vihet në dispozicion vendimi i seancës paraprake. Gjykata vendos të pezullojë afatet e paraburgimit deri në seancën e radhës duke qenë se shkak për shtyrjen e seancës u bë kërkesa e tyre. Seanca e radhës do të mbahet më 27 prill.
