Grabitet me armë një argjendari në Kamëz. Sipas policisë dy grabitës kanë marrë disa bizhuteri nën kërcënmin e armës së zjarrit dhe janë larguar.
Me skafandër ne kokë, pasi marrin bizhuteritë ata janë larguar me një motor.
"Më datë 16.05.2026, rreth orës 13:00, në Kamëz, dy shtetas ende të paidentifikuar, dyshohet se njëri prej tyre me një send në dukje armë zjarri, kanë hyrë në ambientet e argjendarisë në pronësi të shtetasit O. L, dhe kanë marrë një sasi bizhuterish", njoftoi policia.
Pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle të zonës.
