Një sherr për motive të dobëta ka përfunduar me dhunë në qytetin e Shkodrës, ku një 28-vjeçar ka sulmuar fizikisht një person më të moshuar.
Ngjarja ndodhi pasditen e sotme, pranë ish-Degës në Shkodër. Sipas Policisë, autori i dyshuar, Bledar Bylybashi, 28 vjeç, ka goditur me sende të forta 42-vjeçarin Brigel Bizi, duke i shkaktuar dëmtime që kërkuan ndërhyrje mjekësore.
Forcat e rendit ndërhynë menjëherë, duke bërë të mundur arrestimin e autorit dhe shoqërimin e tij në ambientet e Komisariatit të Shkodrës, ku po kryhen veprimet e mëtejshme procedurale.
Ndërkohë, i plagosuri ndodhet nën kujdesin e mjekëve dhe raportohet jashtë rrezikut për jetën.
Njoftimi i Policisë:
‘Shkodër/ Dëmtoi me sende të forta një 42 vjeçar gjatë një konflikti për motive të dobëta, kapet dhe shoqërohet në Komisariat autori i dyshuar.
Falë reagimit të menjëhershëm të shërbimeve të Policisë, u bë kapja dhe shoqërimi në ambientet e Komisariatit për veprime të mëtejshme i shtetasit Bledar Bylybashi, 28 vjeç, autori i dyshuar të ngjarjes.
Shtetasi Brigel Bizi, 42 vjeç, ndodhet në kujdesin e mjekëve’, njoftoi policia.
Grupi hetimor, nën drejtimin e Prokurorisë, vijon punën për dokumentimin e plotë të rrethanave të ngjarjes.
