Numri dy i policisë së Durrësit, Bujar Deliallisi dëshmoi në procesin ndaj Plarent Dervishaj dhe Julian Meçe, të akuzuar për atentatin ndaj Arjan Ndoj me 1 të vrarë dhe dy të plagosur. Gjatë dëshminë Dervishaj i tha: Të mërzitet Visi qe je këtu.
Dëshmia e Deliallisit:
Jam zv.drejtor për hetimin e krimit në Policinë Durrës
Të pandehurit i njoh si emra.
Kam marrë pjesë në aksionin e arrestimit të Ramazan Rrajës. Ishte person i shpallur në kërkim me masë arresti.
Kemi bërë ndërhyrjen në zonën e Fushë Krujës, pa shkuar tek Ura e Gjolës. Është një hotel aty i fisit Rraja.
Kemi qenë mbi 30 forca. Është bërë rrethimi i objektit.
Ndërhyn Dervishaj: Ca është ky muhabet. Ca lidhje kam unë me këto.
Deliallisi: Kemi gjetur dy persona, të armatosur. Njëri Ramazan Rraja. Personit tjetër nuk i kujtoj dot emrin, por ishte në kërkim nga Policia e Elbasanit.
Dervishaj, dëshmitarit: Nuk të takon ty të vish ketu. Të njoh mirë unë ty. E di se kush je. Nuk do të mbash hallet e dynjasë ti. Merzitët Visi po të vish këtu.
Ndërhyn gjykata dhe tërheq vëmendjen të pandehurit.
