Gjykata e Tiranës liron nga qelia katër të dyshuarit, si përgjegjës për zjarrin tek pallati 12-katësh i ndërtuar nga kompania “Arlis Ndërtim” e biznesmenit Armand Lilo, që është shpallur në kërkim. Për të dyshuarit Razie Sula, Agron Cara, Enver Ademi dhe Altin Furtuna, gjykata caktoi masën e sigurisë “detyrim për paraqitje”. Zjarri në pallatin 12-katësh pranë Farmacisë 10 nisi në katin e parë në një market dhe u përhap, duke shkrumbuar të gjithë godinën. Prokuroria po vijon hetimet për të përcaktuar shkaqet e rënies së zjarrit. Për fat të mirë nuk pati viktima në ngjarje, por dëmet materiale përllogariten në shifra të larta.
