Gjykata Kushtetuese ka pranuar pjesërisht kërkesën e Onejda Ymerajt, ish-bashkëpunëtore e afërt e biznesmenit Klodian Allajbeu, duke konstatuar shkelje të të drejtave kushtetuese në veprimet e kryera nga Prokuroria e Posaçme (SPAK).
Në vendimin e saj, Gjykata ka vlerësuar se sekuestrimi i celularit të Ymerajt, kryer në kuadër të hetimeve për ish-zëvendëskryeministrin Arben Ahmetaj, ka cenuar lirinë dhe fshehtësinë e korrespondencës, si dhe të drejtën për mbrojtjen e të dhënave personale. Gjykata ka konstatuar se edhe vete ligji procedural paraqet probleme ne vetvete.
Megjithatë, Gjykata ka lejuar mbajtjen nën sekuestro të atyre kopjeve të të dhënave që lidhen drejtpërdrejt me hetimin penal, duke kerkuar qe ato t’i nënshtrohen kontrollit të mëtejshëm gjyqësor.
Per kete arsye, Gjykata Kushtetuese ka urdhëruar gjithashtu SPAK-un që, brenda një afati 3-mujor, të marrë masat e nevojshme për të rivendosur ligjshmërinë procedurale në lidhje me këtë çështje, duke respektuar të drejtat e individit të mbrojtura nga Kushtetuta.
SPAK duhet të marrë më seriozisht të drejtat e njeriut dhe çdo veprim i tij duhet të jetë në përputhje me praktikat ndërkombëtare në hetimet që zhvillon. Në të kundërt, çdo shmangie nga këto standarde i zbeh vlerën dhe besueshmërinë hetimeve të tyre. E vërteta është se asnjërës palë, as PS dhe as PD nuk i interesojnë realisht të drejtat e njeriut; ato përdoren thjesht si instrument, kur u leverdis. Fatkeqësisht.
