Gjykata e Tiranës liroi nga qelia 4 protestuesit e arrestuar pas tubimit të pestë kombëtar të opozitës. Për të arrestuarit Leonardo Marku, Robespier Dervishaj, Doris Rista dhe Sergei Rapo u caktua masa e detyrimit për paraqitje 2 herë në muaj.
Gjatë protestës së fundit të opozitës u marshua para disa institucioneve dhe u hodhën molotovë ndaj ish-vilës Enver në zonën e ish-bllokut, brenda së cilës ndodheshin 7 shtetas francezë. Pas këtij incidenti u lirua nga detyra drejtori i Përgjithshëm i Policisë së Shtetit, Ilir Proda.
