Gjykata e Posaçme liroi nga masa e arrestit në shtëpi kryetarin e Bashkisë së Tropojës, Rexh Byberi, si dhe nënkryetarin Abedin Kërrnaja. Ndaj tyre u caktua masa e detyrimit për paraqitje një herë në muaj, për shkak se kishte përfunduar afati 6-mujor i paraburgimit.
Byberi e Kërrnaja akuzohen për shpërdorim detyre dhe prerje të paligjshme të pyjeve.
Në një seancë më herët, gjykata i la detyrë prokurorit të marrë në pyetje ekspertët, të cilët kanë përcaktuar dëmin e shkaktuar nga hapja e një rruge me Bashkinë Tropojë, nga e cila janë dëmtuar pyjet.
Njoftimi
1. Kërkuesi Abedin Kerrnaja me datë 31.07.2025 ka paraqitur pranë Gjykatës kërkesën
me objekt: “Konstatimin e shuarjes së masës së sigurimit “Arrest në shtëpi” për të
pandehurin Abedin Kerrnaja, të caktuar me vendimin nr.112, datë 06.09.2024, të dhënë
nga Gjykata e Posaçme e Shkallës së Parë për Korrupsionin dhe Krimin e Organizuar,
duke urdhëruar lirimin e menjëhershëm të të pandehurit Abedin Kerrnaja”. Kërkuesi
Rexhë Byberi me datë 31.07.2025 ka paraqitur pranë Gjykatës kërkesën me objekt:
“Kërkesë për shuarjen e masës së sigurimit”. Në seancën gjyqësore të datës 01.08.2025
gjykata disponoi me bashkimin e kërkesave penale, të sipërcituara, në një të vetme.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtarja Irena Gjoka, bazuar në
nenet 112, 228, 229, 234, 237/4, 230, 249, 250, pika 1, 261, pika 3, 262, 263, pika 1,
gërma “b” , 266/1 dhe 466 të K.Pr.Penale, me vendimin nr. 534, datë 01.08.2025, vendosi:
1. Pranimin e kërkesës së kërkuesit/të pandehurit Abedin KERRNAJA, me objekt
“Konstatimin e shuarjes së masës së sigurimit “Arrest në shtëpi” për të
pandehurin Abedin Kerrnaja, të caktuar me vendimin nr.112, datë 06.09.2024, të
dhënë nga Gjykata e Posaçme e Shkallës së Parë për Korrupsionin dhe Krimin e
Organizuar, duke urdhëruar lirimin e menjëhershëm të të pandehurit Abedin
Kerrnaja”.
2. Humbjen e fuqisë së masës së sigurimit personal shtrëngues “arrest në shtëpi”,
parashikuar nga neni 237 i K.Pr.Penale, ndaj shtetasit nën hetim Abedin
KERRNAJA, caktuar me vendimin Nr.112, datë 06.09.2024, të Gjykatës së
Posaçme të Shkallës së Parë për Korrupsionin dhe Krimin e Organizuar, verifikuar
me vendimin Nr.116, datë 12.09.2024, të po kësaj gjykate.
3. Caktimin e masës së sigurimit personal shtrëngues “detyrimi për tu paraqitur në
policinë gjyqësore”, parashikuar nga neni 234 i K.Pr.Penale, ndaj shtetasit nën
hetim Abedin KERRNAJA, akuzuar për kryerjen e veprës penale “Shpërdorimi
i detyrës”, kryer në bashkëpunim, parashikuar nga neni 248 dhe 25 i Kodit Penal.
4. Urdhërohet shtetasi nën hetim Abedin KERRNAJA, të paraqitet të Hënën e parë
të çdo muaji, ora 11:00 para oficerit të policisë gjyqësore A.N, pranë Prokurorisë
së Posaçme kundër Korrupsionit dhe Krimit të Organizuar.
5. Pranimin e kërkesës së kërkuesit/të pandehurit Rexhë BYBERI, me objekt
“Kërkesë për shuarjen e masës së sigurimit”.
Rruga “Jordan Misja” Nr.1, 1057 Tiranë; tel/fax 0035542231527; gjykata.gov.al6. Humbjen e fuqisë së masës së sigurimit personal shtrëngues “arrest në shtëpi”,
parashikuar nga neni 237 i K.Pr.Penale, ndaj shtetasit nën hetim Rexhë BYBERI,
caktuar me vendimin Nr.112, datë 06.09.2024, të Gjykatës së Posaçme të
Shkallës së Parë për Korrupsionin dhe Krimin e Organizuar, verifikuar me
vendimin Nr.116, datë 12.09.2024, të po kësaj gjykate.
7. Caktimin e masës së sigurimit personal shtrëngues “detyrimi për tu paraqitur në
policinë gjyqësore”, parashikuar nga neni 234 i K.Pr.Penale, ndaj shtetasit nën
hetim Rexhë BYBERI, akuzuar për kryerjen e veprës penale “Shpërdorimi i
detyrës”, kryer në bashkëpunim, parashikuar nga neni 248 dhe 25 i Kodit Penal.
8. 9. Urdhërohet shtetasi nën hetim Rexhë BYBERI, të paraqitet të Hënën e parë të
çdo muaji, ora 11:00 para oficerit të policisë gjyqësore A.N, pranë Prokurorisë së
Posaçme kundër Korrupsionit dhe Krimit të Organizuar.
Ngarkohet Prokuroria e Posaçme kundër Korrupsionit dhe Krimit të Organizuar,
të ekzekutojë vendimin e gjykatës, nëpërmjet shërbimeve të policisë gjyqësore në
Drejtorinë e Policisë së Shtetit.
10. Kundër këtij vendimi mund të bëhet ankim nga palët brenda pesë ditëve në
Gjykatën e Posaçme të Apelit për Korrupsionin dhe Krimin e Organizuar.
