Gjykata e Posaçme e Apelit la në fuqi masën e sigurisë “arrest në burg” për Denis Brajoviç. Ai u ekstradua disa kohë më parë nga Emiratet e Bashkuara Arabe drejt Shqipërisë pasi ishte i shpallur në kërkim në kuadër të operacionit “Metamorfoza”. Brajoviç akuzohet për vrasjen e Gjin Boriçit në Vaun e Dejës në 2020. Ai është vëllai i Erogen Vaso Brajoviç që dyshohet se ishte shënjestër e atentatit në Shkodër ku Ragip Gila vrau dy persona dhe plagosi dy të tjerë, njëri prej të cilëve Brajoviç.
