Gjykata e Lartë shtyu për në datën 16 tetor shqyrtimin e rekursit të ish-presidentit Ilir Meta, kundër masës së sigurisë “arrest në burg”. Çështja ishte caktuar për t’u zhvilluar ditën e djeshme me 9 nëntor në dhomë këshillimi, por u shty për shkak se gjyqtarët nga gjithë Shqipëria morën pjesë në Mbledhjen e Përgjithshme të Gjyqtarëve që u thirr pas vrasjes së gjyqtarit Astrit Kalaja. Ish-presidenti Ilir Meta mbahet në paraburgim prej 21 tetorit të 2024. Ai thotë se nuk ka më arsye që të mbahet në paraburgim, pasi SPAK i ka përfunduar hetimet dhe nuk ka rrezik që të prishë provat apo të frikësojë dëshmitarët. SPAK e ka marrë të pandehur Ilir Metën dhe ish-bashkëshorten e tij Monika Kryemadhi për akuzat e korrupsionit, pastrimit të parave dhe fshehjes së pasurisë. Të pandehur janë edhe Fatime Kryemadhi ish-vjehrra e Metës, Ema Çoku dhe Piro Xhixho.
