Gjykata e Posacme rrëzoi kërkesën e radhës të bërë nga ish-presidenti Ilir Meta për zbutje të masës së sigurisë. Avokati tha se është absurde që Meta mbahet në paraburgim, kur hetimi ka përfunduar, ndërsa duhet lejuar të dalë dhe drejtojë partinë e dytë me të madhe opozitare në vend.
Ai mbahet prej tetorit të 2024 në paraburgim dhe akuzohet për korrupsion, pastrim parash e fshehje pasurie. Meta po gjykohet në një proces bashkë me ish-gruan, ish-vjehrrën dhe dy persona të tjerë.
