Në dy seanca të njëpasnjëshme, Gjykata e Posaçme i komunikoi dy masa sigurie arrest në burg Aldo Avdylit i akuzuar për krime të rënda. Masa e parë ishte firmosur ndaj tij në kuadër të aksionit Revanshi.
Ndërsa masa e dytë lidhet me hetimin e fundit të SPAK ku u zbulua se Avdyli bashkë me xhaxhain e tij Astrit Avdyli që konsiderohet kreu i grupit kriminal organizuan vrasjen e Edmir Bregut në 2021 në Durrës.
Avdyli u arrestua të martën te Liqeni i Thatë teksa strehohej në një banesë që ishte marrë me qira nga Dorjan Sherifi. Ky i fundit u arrestua nga policia e Durrësit pasi ndihmonte Avdylin në arrati.
