Astrit Avdyli, i njohur dhe me mbiemrat Balliu e Sulejmani, kreu i grupit kriminal Avdyli me bazë të Shijak, është dënuar me 12 vite burgim për akuzat e trafikut të drogës, grupit kriminal dhe armëmbajtje pa leje. Gjykata e Posaçme urdhëroi që kreu i bandës kriminale ta vuajë dënimin në një burg të sigurisë së lartë, për shkak të rrezikshmërisë që paraqet.
Në 2022 Avdyli ishte dënuar nga GJKKO me 12 vite burgim. Por në prill të 2023, Gjykata e Posaçme e Apelit e prishi vendimin dhe ktheu për rigjykim avdylin dhe një të pandehur tjetër. Ndërsa për katër të pandehur të tjerë, masat e dënimit u ashpërsuan.
Grupi kriminal Avdylaj u dyshua për akuza të rënda, përfshirë edhe për shitblerje të votesh në qarkun e Durrësit. Astrit Avdyli, ish i dënuar për vrasje, dyshohej për lidhje të forta me ish-kryebashkiakun e Durrësit, Vangjush Dako dhe grupi kriminal që ai drejtonte kishte ndërhyrë deri në paracaktimin e kandidatëve për deputetë të PS-së në qark.
Teksa dosja e tij shqyrtohej nga shkallëët e gjyqësorit, Astrit Avdyli rifitoi lirinë, por u arrestua më vonë, pasi rezultoi se ishte përfshirë në krime të të tjera të rënda, pas zbërthimit të bisedave në aplikacionin e koduar në Sky ECC.
