Teksa zyrtarët më të lartë të policisë janë përfshirë në ethet e zgjedhjes së Drejtorit të ri të Policisë së Shtetit, pas lirimit nga detyra të Ilir Prodës, një prej emrave që po qarkullon në këtë klimë pritjeje është parë duke hyrë në ambientet e Ministrisë së Brendshme.
Bëhet fjalë për Elidon Çelën, aktualisht drejtor i Policisë së Vlorës. Ai njihet si një nga njerëzit e besuar të ish-drejtorit të përgjithshëm të policisë Ardi Veliu dhe si një person i afërt me biznesmenin vlonjat Sinan Idrizi.
Burime bëjnë me dije se Çela ka zhvilluar një takim në zyrë me ministren e Brendshme. Nuk dihet ende nëse ky ka qenë një takim rutinë për çështje pune apo një takim që lidhet me procesin e zgjedhjes së kreut të ri të Policisë së Shtetit.
Megjithatë, fakti që ky takim zhvillohet pikërisht në momentin kur po diskutohet për emrin që do të drejtojë policinë, ngre shumë pikëpyetje.
