Në orën 3 të mëngjesit të datës 18 shtator forcat speciale zbarkuan në qelinë e Indrit Shaqes në burgun e sigurisë së lartë Peqin.
Në qelinë e Shaqes u gjet një telefon celular, i cili u sekuestrua dhe u dërgua për ekspertim. Indrit Shaqja është dënuar me burgim të përjetshëm për krimin makabër të kryer më 2 shtator të vitit 2014, ku torturoi dhe vrau dy kunatat, Elsa Vava 72 vjeç dhe Gjinovefa Vava 77 vjeç. Ai mbeti i plagosur në qelinë e burgut në kohën kur Sokol Mjacaj qëlloi për vdekje Arben Lleshin.
Pas gjetjes së celularit ai është izoluar për thyerje të rregullores së burgut dhe është referuar në prokurori.
Ndërkohë mbrëmjen e kaluar 250 forca speciale zbarkuan në burgun e sigurisë së lartë dhe ushtruan kontroll njëherazi në të gjitha qelitë e burgut ku janë izoluar bosët e krimit dhe ata që paraqesin rrezikshmëri të lartë shoqërore.
Kontrollet do të vijojnë edhe në burgje të tjera për sende të paligjshme.
