Në autostradën Tiranë-Elbasan vazhdon të ketë ende një fluks të rënduar mjetesh.
Bllokimi i trafikut duket se është rrethrrotullimi i Bradasheshit, ku qindra makina qëndrojnë për disa orë në trafikun e rënduar.
Kjo është një situatë e përsëritur. Me ardhjen e sezonit turistik, lëvizjet në autostradën Tiranë-Elbasan janë kthyer në një “tmerr” për drejtuesit e mjeteve dhe për qytetarët. Sidomos në këto ditë kur temperaturat janë të larta, qëndrimi në radhë është kthyer në një tmerr për udhëtarët.
Policia dhe autoritetet vendore ende nuk kanë marrë asnjë masë për të ndryshuar këtë problem.
