Një fluks i madh automjetesh është regjistruar sot nga pika kufitare e Morinit deri te tuneli i Kalimashit. Për të përballuar ngarkesën, autoritetet kanë marrë masa shtesë, përfshirë shtimin e patrullave të policisë rrugore dhe hapjen e sporteleve shtesë nga firma koncesionare.
Këto ndërhyrje kanë ndihmuar në menaxhimin e qarkullimit, megjithatë drejtuesit e mjeteve raportojnë për radhë të gjata, veçanërisht në zonën e pagesës.
Rruga e Kombit mbetet arteria kryesore që lidh Kosovën me bregdetin shqiptar dhe, si çdo verë, përballet me një trafik të shtuar për shkak të rritjes së fluksit turistik.
