As ky fillimvit nuk ka nisur i qetë, pasi festimet për ndërrimin e viteve janë shoqëruar me incidente të shumta nga përdorimi i fishekzjarrëve.
Deri në orën 01:30, në rang vendi janë raportuar gjithsej 20 persona të lënduar si pasojë e hedhjes së fishekzjarrëve. Sipas të dhënave paraprake, të gjithë të lënduarit ndodhen jashtë rrezikut për jetën.
Mes tyre është edhe një e mitur 13-vjeçare, e cila ka pësuar gërvishtje në parakrah. Ngjarja dyshohet se ka ndodhur si pasojë e një plumbi qorr në zonën e Vaqarrit.
Sa i përket shpërndarjes gjeografike të rasteve, 16 prej tyre janë regjistruar në Tiranë, 2 në Durrës, 1 në Lezhë, 1 në Fushë-Arrëz dhe 1 në Korçë.
Autoritetet u bëjnë thirrje qytetarëve për kujdes dhe respektim të rregullave të sigurisë, veçanërisht gjatë përdorimit të mjeteve piroteknike.
