Arrestohen tre të kërkuar nga Forca e Posaçme Operacionale. Në pranga përfunduan Kledis Shermadhi, Ardit Mehdiu dhe Emiseldo Fasko.
Tre të kërkuarit u identifikuan dhe arrestuan në Fier për qëllime ekstradimi drejt Italisë.
“Këta shtetas ishin shpallur në kërkim ndërkombëtar, pasi Gjykata e Riminit, Itali, iu ka caktuar masën e sigurisë “Arrest në burg”, për veprat penale “Organizata kriminale” dhe “Trafikimi i narkotikëve”. Maksimumi i dënimit: 10 vjet burgim.
Ata akuzohen se gjatë periudhës qershor-dhjetor 2024, në bashkëpunim me njëri-tjetrin dhe me shtetas të tjerë, kanë blerë sasi të mëdha droge, me qëllim shitjen në qytetin e Riminit”, njoftoi policia.
Interpol Tirana, në bashkëpunim me Interpol Romën, vijon procedurat për ekstradimin e tyre në Itali.
