Eria Ago, ish-e dashura e Safet Bajrit, nuk do të lirohet nga qelia, pasi Gjykata e Posaçme Kundër Korrupsionit dhe Krimit të Organizuar (GJKKO) ka refuzuar kërkesën e saj për zëvendësim të masës së sigurisë.
Ago u arrestua në mars të këtij viti, pasi dyshohet nga Prokuroria e Posaçme se ajo drejtoi një nga automjetet e përdorura për ekzekutimin e Fatbardh Licit në gusht të vitit 2018, në lagjen Kiras të Shkodrës.
Pavarësisht se 31-vjeçarja i ka mohuar akuzat, gjykata nuk ka pranuar pretendimet e saj.
SPAK ka ngritur ndaj personave të përfshirë, përfshirë Safet Bajrin, Behar Bajrin dhe Astmer Bilalin, akuzat për “Vrasje me paramendim” në formën e bashkëpunimit dhe në kuadër të grupit të strukturuar kriminal, si dhe për “Kryerje të veprave penale nga organizata kriminale dhe grupi i strukturuar kriminal”.
