Një aksident i rëndë rrugor është shënuar mëngjesin e sotëm në qytetin e Elbasanit, ku për pasojë ka humbur jetën një i ri 21 vjeç.
Sipas njoftimit zyrtar të Policisë, shtetasi R. R., 26 vjeç, banues në Elbasan, është arrestuar në flagrancë nga Specialistët e Qarkullimit Rrugor, pasi dyshohet se ka shkaktuar aksidentin duke drejtuar automjetin në gjendje të dehur.
Ngjarja ka ndodhur në rrugën “Janaq Kilica”, ku automjeti që drejtohej nga 26-vjeçari ka dalë nga rruga dhe është përplasur me një pemë anësore. Si pasojë e përplasjes, ka humbur jetën pasagjeri në automjet, shtetasi N. U., 21 vjeç, ndërsa drejtuesi i mjetit ndodhet jashtë rrezikut për jetën.
