Zbardhen detaje të reja nga vrasja e Rexhep Ismailit mbrëmjen e kaluar në një lokal në Qafë Gjashtë të Sarandës. Autori i vrasjes dyshohet të jetë Lulzim Tabaku, i cili është shpallur në kërkim.
Nga hetimet rezulton se Tabaku i shoqëruar nga të tjerë, të cilët lëviznin me dy automjete tip Audi ka shkuar në lokalin e Ismailit dhe kanë nisur të konfliktohen me atë dhe një grup personash.
Ismaili ka nxjerrë një armë automatike dhe ka qëlluar duke lënë të plagosur një person, ndërsa Tabaku është kundërpërgjigjur me pistoletë duke e vrarë me një plumb në kokë.
Tabaku dhe miku i tij i plagosur janë larguar me një Audi, ndërsa automjeti tjetër Audi siç shihet në pamje ka mbetur në vendngjarje. Policia po heton motivet e krimit, që paraprakisht dyshohet të jenë konfkiktet për pronat në bregdet.
