Detaje të reja kanë dalë nga dritë nga ekzekutimi mafioz i Artur Bashimit në Athinë. Sipas të dhënave paraprake ai rezulton të jetë qëlluar me plumb në kokë në rrugën “Mihail Voda 200”, në lagjen Agios Panteleimonas. Hetimet paraprake kanë zbuluar se viktima Bashimi rezulton të jetë arrestuar në shkurt të 2022 si pjesë e një grupi kriminal që kryente vjedhje në mjetet e transportit publik. Për të njëjtën vepër penale ai është arrestuar po nga autoritetet helene në 2024.
Viktima Artur Bashimi sipas policisë greke rezulton të jetë vëllai i 38-vjecarit Marsel Bashimi që mbaj dhe mbiemrat Shkurtaj e Gozhita. Ky i fundit rezulton me precedent të rëndë penalë në Shqipëri e Greqi.
Ai rezulton të jetë një prej njerëzve të besuar të Bledar Jambellit e Kristaq Lecit, këta të fundit të akuzuar si autor të vrasjes së kryekomisar Artan Cukut.
Policia greke është fokusuar te aktiviteti kriminal i vëllezërve Bashimi dhe konfliktet me grupet e tjera për të hedhur dritë mbi atentatin mafioz që tronditi Athinën.
