Interpol Tirana njofton se, në vazhdën e bashkëpunimit me homologët italianë, është finalizuar ekstradimi i Edison Cukajt, i njohur edhe si Edison Gjoka, 32 vjeç, i kërkuar ndërkombëtarisht për veprën penale “Ushtrim i ndikimit të paligjshëm ndaj personave që ushtrojnë funksione publike”.
Në prill 2025, Gjykata e Posaçme e Shkallës së Parë për Korrupsionin dhe Krimin e Organizuar në Tiranë kishte vendosur masën “Arrest në burg” ndaj tij. Pas mbërritjes në Shqipëri dhe përfundimit të procedurave në Komisariatin e Policisë Rinas, Edison Cukaj iu dorëzua Drejtorisë së Përgjithshme të Burgjeve për vuajtjen e dënimit.
Ky ekstradim është pjesë e operacionit ndërkombëtar “The Wanted” dhe demonstron bashkëpunimin efektiv mes Interpol Tiranës dhe Interpol Romës për kapjen dhe rikthimin e personave të shpallur në kërkim.
Interpol Tirana
Vijon bashkëpunimi me homologët për finalizimin e ekstradimeve të shtetasve të shpallur në kërkim ndërkombëtar, të kapur jashtë vendit.
Ekstradohet nga Italia një shtetas i kërkuar për veprën penale “Ushtrim i ndikimit të paligjshëm ndaj personave që ushtrojnë funksione publike”.
Në vijim të bashkëpunimit të ngushtë të specialistëve të Interpol Tiranës me homologët e Interpol Romës, në kuadër të operacionit “The Wanted”, u finalizua ekstradimi nga Italia në Shqipëri, i shtetasit E. C., alias E. Gj, 32 vjeç.
Shtetasi E. C., alias E. Gj, ishte i shpallur në kërkim ndërkombëtar, pasi në prill 2025, Gjykata e Posaçme e Shkallës së Parë për Korrupsionin dhe Krimin e Organizuar Tiranë, kishte vendosur masën e sigurisë “Arrest në burg” për veprën penale “Ushtrim i ndikimit të paligjshëm ndaj personave që ushtrojnë funksione publike”.
Në përfundim të procedurave në Komisariatin e Policisë Rinas, shtetasi E. C., alias E. Gj, iu dorëzua Drejtorisë së Përgjithshme të Burgjeve.
