Gjykata e Posaçme ka konfirmuar masën e sigurisë “arrest në burg” ndaj katër të dyshuarve si autorë të rrëmbimit dhe vrasjes së 23-vjeçarit Renis Dobra. Bëhet fjalë për të dyshuarit Petrit Çakraj dhe vëllezërit Aleksandër, Kristi dhe Fatjon Bushgjokaj.
Renis Dobra u rrëmbye dhe u vra, ndërsa më pas është tentuar që trupi i tij të hidhej në Liqenin e Shkopetit, për ta bërë ngjarjen të dukej si aksident. Gjatë rënies së automjetit, trupi i pajetë doli jashtë tij, dhe më pas u zbardh krimi tronditës.
Dyshohet se Dobra është vrarë për çështje droge. Më herët, ai ishte arrestuar në Gjermani për drogë dhe pas lirimit ka mbërritur në Shqipëri.
