Një i mitur nga Vlora ka përfunduar pa shenja jete në spital. Ngjarja ndodhi mëngjesin e kësaj të shtune, ku dyshohet se ka pësuar reaksion pas konsumimit të mjaltit.
Familja e 4-vjeçarit jeton në Palasë, por i mituri nuk është dërguar për ndihmë mjekësore në Qendrën Shëndetësore të zonës dhe u dërgua me makinë private nga të afërmit në Spitalin Rajonal Vlorë.
Policia bën të ditur se 4-vjeçari mbërriti në spital pa shenja jete dhe nga këqyra paraprake e trupit nuk janë konstatuar shenja dhune apo dëmtime të tjera. Pavarësisht dyshimeve të ngritura, priten ekzaminimet e mëtejshme mjeko-ligjore për përcaktimin e shkakut të vdekjes.
