Gjykata e Posaçme ka urdhëruar konfiskimin e shtatë pasurive të kategorisë ‘Arë’, me një sipërfaqe totale prej 15,028 m², të vendosura në bregun e lumit Drin dhe në fshatin Ishull Shëngjin.
Sipas një njoftimi zyrtar nga Policia, ky vendim erdhi pas dyshimeve se këto prona janë fituar nëpërmjet aktiviteteve kriminale.
Policia sqaron se nga pasuritë e konfiskuara, dy ndodhen në bregun e lumit Drin, ndërsa pesë të tjera në zonën e Ishull Shëngjinit.
Njoftimi i Policisë:
Lezhë/Konfiskohen 7 pasuri të llojit “Arë”, me sipërfaqe totale 15028 m2, të ndodhura në bregun e lumit Drin dhe në Ishull Shëngjin.
Konfiskimi, në zbatim të vendimit të GjKKO-së, pasi dyshohet se pasuritë janë përfituar nga veprimtari kriminale.
Në zbatim të vendimit të GjKKO-së të vitit 2021, lënë në fuqi me vendimin e Gjykatës së Posaçme të Apelit për Korrupsionin dhe Krimin e Organizuar të vitit 2022, specialistët e Seksionit për Hetimin e Krimeve Ekonomiko-Financiare të DVP Lezhë, në bashkëpunim me specialistët e Agjencisë së Administrimit të Pasurive të Sekuestruara dhe të Konfiskuara, konfiskuan 7 pasuri të llojit “Arë”, me sipërfaqe totale 15028 m2.
Pasuritë e sekuestruara ndodhen 2 në bregun e lumit Drin dhe 5 në fshatin Ishull Shëngjin.
