Një aksident i rëndë automobilistik është regjistruar mbrëmjen e sotme në aksin Sarandë-Delvinë, ku për pasojë kanë humbur jetën 2 motra, 20 dhe 22 vjeç.
Ato janë identifikuar si Ela Dhimaku, drejtuese e mjetit dhe motra e saj Rozina Dhimaku, e cila ka qenë pasagjere në automjetin tip Lancia.
Ndërkohë, është plagosur rëndë pasagjerja thetërAntonela Zhupa, e cila u transportua menjëherë drejt spitalit të Sarandës për trajtim mjekësor.
Vajzat janë përplasur përballë me një tjetër automjet tip Audi që drejtohej nga Kevi Norra.
Në vendngjarje ndodhen forcat e policisë, shërbimi zjarrfikës dhe autoambulanca. Grupi hetimor po punon për zbardhjen e plotë të rrethanave dhe përcaktimin e shkaqeve të këtij aksidenti tragjik
Njoftimi i plotë:
Sot, rreth orës 20:15, në aksin rrugor Delvinë-Sarandë, shtetasi K. N., 23 vjeç, duke drejtuar automjetin tip “Audi”, është përplasur me automjetin tip “Lancia”, me drejtuese shtetasen E. Dh.
Si pasojë e aksidentit, kanë humbur jetën drejtuesja e automjetit “Lancia”, shtetasja E. Dh., 22 vjeçe, së bashku me pasagjeren shtetasen R. Dh., 20 vjeçe, ndërsa pasagjerja tjetër në këtë automjet, shtetasja A. Zh., 24 vjeçe, ka mbetur e dëmtuar dhe ndodhet nën kujdesin e mjekëve.
Grupi hetimor ndodhet në vendngjarje dhe po kryen veprimet për zbardhjen e plotë të rrethanave të aksidentit.
