Detaje të tjera janë zbardhur nga aksidenti tragjik i një nate më parë, ku humbën jetën dy motrat Dhimaku në Sarandë. Sipas raportimeve ngjarja ndodhur mbrëmë në zonën e njohur si Pularia, ka ndodhur për shkak të shpejtësisë dhe konsumit të alkoolit të njërit prej drejtuesve të automjetit.
Kevi Norra, 23-vjeçari që shkaktoi aksidentin tragjik, pas testit të alkoolit, rezultoi se Norra, i cili punon si specialist në ministrinë e Brendshme, drejtonte automjetin tip "Audi" në gjendje të dehur. Policia e Sarandës bëri me dije se testi i parë i alkoolit tregoi nivelin 1.52 mg/l, ndërsa testi i dytë 1.42 mg/l.
Duke tentuar një parakalim të gabuar, automjeti i tij është përplasur kokë më kokë më makinën tip "Lancia" në të cilën ishin tre vajza. Përplasja rezultoi fatale për dy motrat Elvisa dhe Rozina Dhimaku, përkatësisht 22 dhe 20 vjeçe.
Ndërkohë nga aksidenti mbeti e plagosur edhe 24-vjeçarja Antolena Zhupa. Kjo e fundit ndodhet në spitalin e Traumës në Tiranë, ku po merr trajtim mjekësor dhe ndodhet jashtë rrezikut për jetën.
23-vjeçari u arrestua në flagrancë dhe akuzohet për “Shkelje të rregullave të qarkullimit rrugor” dhe “Drejtim i automjetit në mënyrë të parregullt”.
I riu, Kevi Norra pas testit të alkoolit rezultoi se drejtonte automjetin në gjendje të dehur. Sipas raportimeve ai doli përballë gjatë parakalimit, makinës ku udhëtonit tre vajza.
Përplasja rezultoi fatale për dy prej tyre, motrat Elvisa dhe Rozina Dhimaku, përkatësisht 20 dhe 22 vjeç. Ndërkohë nga aksidenti mbeti e plagosur edhe 24-vjeçarja Antolena Zhupa, e cila po merr trajtim mjekësor dhe ndodhet jashtë rrezikut për jetën.
