Policia e Shtetit, pas hetimeve intensive, ka dyshime të forta se një person i vetëm qëndron pas të dyja atentateve. Ragip Gila u arrestua pas atentatit të datës 8 shtator, në të cilin humbën jetën Armando Pali dhe Liridon Kraja, ndërsa u plagosën Erogen, Vaso Brajoviç dhe kamarierja me iniciale M.K.
Grupi hetimor ka mbledhur prova që e lidhin Gilën edhe me vrasjen e Kristjan Kolës. Përveç lidhjeve të provuara mes dy ngjarjeve, hetuesit vërejnë se autori ka vepruar në të njëjtin mënyrë në të dyja rastet, ka qenë i maskuar me skafandër dhe ka përdorur motor për t’u larguar.
Aktualisht po pritet kryerja e një ekspertize të dytë për motorin që u përdor në vrasjen e Kristjan Kolës dhe më pas u gjet i djegur. Ekspertiza synon të nxjerrë gjurmë ADN-je, të cilat do të krahasohen me ato të Ragip Gilës.
