Një ngjarje e rëndë është regjistruar këtë të hënë në lagjen nr. 12 të qytetit të Durrësit, ku një baba ka plagosur me thikë vajzën e tij në mes të rrugës.
Sipas informacioneve paraprake, më datë 26.01.2026, rreth orës 10:03, shtetasi Mikel Ndoj, 56 vjeç, në rrethana ende të paqarta, ka plagosur me mjet prerës (thikë) vajzën e tij, Xhesika Ndoj, 24 vjeçe, banuese në lagjen nr. 12, Durrës.
Gjatë ngjarjes ka mbetur i plagosur edhe një kalimtar i rastit, shtetasi O. M., i cili ka ndërhyrë për të ndalur autorin në momentin e konfliktit.
Të dy të dëmtuarit janë transportuar drejt Spitalit Rajonal të Durrësit, ku ndodhen nën kujdesin e mjekëve dhe jashtë rrezikut për jetën.
Policia po punon për sqarimin e plotë të rrethanave të ngjarjes, ndërsa shërbimet policore vijojnë kërkimet për kapjen e autorit 56-vjeçar, i cili është larguar nga vendngjarja.
