Gjykata e Posaçme e Apelit ktheu për rigjykim dosjen penale ndaj Aurel Zarkës, ish-drejtues i Prokurorisë së Vlorës, i akuzuar për korrupsion për dosjen Toyota Auris.
“Gjykata e Posaçme e Apelit per Korrupsionin dhe Krimin e Organizuar, bazuar në shkronjën “ç” të paragrafit të parë i nenit 428 dhe paragrafit të par të nenit 429 te K.Pr.Penale, vendosi: prishjen e vendimit nr.36 datë 20.05.2025 të Gjykatës së Posaçme të Shkallës së parë për korrupsionin dhe krimin e organizuar dhe kthimin e akteve në të njëjtën gjykatë me një tjetër kolegj”, thuhet në vendimin e trupës gjykuese.
Aurel Zarka është dënuar me me 4 vite burg për korrupsion dhe ndikim të paligjshëm në çështjen e njohur si “Toyota Yaris”. Për shkak të gjykimit të shkurtuar, dënimi i tij ishte reduktuar më pas në 2 vite e 8 muaj burg. Zarka u arrestua mbi bazën e bisedave në aplikacioni Sky ECC ku rezulton i përfshirë sipas SPAK në dosjen Toyota Auris ku u trafikuan 3.4 mln euro që u sekuestruan në Portin e Durrësit. Në kërkim për këtë ngjarje, është ish-oficerja Erjona Daupaj dhe biznesmeni Astrit Vladi, ndërsa u vetëdorëzua avokati Radovan Çela.
