Një automjet është përfshirë nga flakët mesditën e sotme në zonën e Llogarasë, ndërsa brenda mjetit dyshohet se ndodhej edhe drejtuesi, i cili nuk ka mundur të dalë në kohë. Paraprakisht dyshohet se ai ka humbur jetën si pasojë e zjarrit.
Vlorë/Informacion paraprak
Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur. Brenda automjetit dyshohet se si pasojë e zjarrit, ka humbur jetën dhe është djegur një shtetas ende i paidentifikuar, në sediljen e drejtuesit të mjetit.
Grupi hetimor ndodhet në vendngjarje dhe vijon punën për identifikimin e viktimës dhe për zbardhjen e plotë të rrethanave të kësaj ngjarjeje.
