Kleviol Ahmeti, i njohur si Cllevio pritet të dëshmojë në seancën e 28 majit në Gjykatën e Posaçme në procesin penal ndaj anëtarëve të grupit kriminal të drejtuar nga Leart Haxhiu, të cilët akuzohen për krime të rënda, si vrasje apo shkatërrim të pronës me tritol. Ai do të japë shpjegime lidhur me shkatërrimin me tritol të biznesit të rivalit të tij Rigels Rajku, i njohur me nofkën Noizy. GJKKO ndërkohë vendosi të ripërsërisë fletëthirrjen për Noizyn, i cili nuk mundi të dëshmojë seancën e kaluar, pasi u shty, ndërsa këtë të mërkurë ai nuk u paraqit në GJKKO. Sipas të penduarit të bandës, Artan Tafani, tritoli në biznesin e Noizyt u vendos me urdhër të Laert Haxhiut.
