Deputeti Oerd Bylykbashi deklaroi jashtë ambienteve të SPAK se u pyet në cilësinë e kallëzuesit për aferën e EcoParkut që ka depozituar grupi parlamentar i PD-së. Ai tha se bëhet fjalë për një aferë miliona euro dhe, referuar asaj çfarë ka deklaruar kreu i SPAK, Dumani, hetimet për këtë çështje janë drejt fundit. Deputeti theksoi se përpara prokurorëve i qëndroi kallëzimit të bërë më herët.
I pyetur për ngjarjet e 21 janarit ku gjatë protestës së opozitës së kohës u vranë 4 qytetarë, Bylykbashi, që mbante detyrën e shefit të kabinetit të kryeministrit të kohës Sali Berisha, tha se nuk ka marrë një ftesë nga SPAK dhe se në atë kohë është ndodhur jashtë vendit.
