Një rrjet i mirëorganizuar i prodhimit dhe shpërndarjes së kanabisit në Mbretërinë e Bashkuar, i drejtuar nga shtetas shqiptarë, është goditur nga autoritetet britanike.
Pas një hetimi disavjeçar të Policisë së West Midlands dhe Njësisë Rajonale për Krimin e Organizuar, shtatë persona janë shpallur fajtorë dhe janë dënuar me një total prej afro 40 vitesh burg.
Hetimet nisën në maj të vitit 2022 dhe zbuluan një strukturë kriminale që kultivonte dhe shpërndante lëndë narkotike në shkallë të gjerë në të gjithë territorin e Britanisë.
Të dënuarit janë:
Erikson Kararaj, 34 vjeç, nga Birmingham – 8 vite burg
Arben Sinjari, 48 vjeç, nga Birmingham – 7 vite burg
Islam Toro, 31 vjeç, nga Tipton – 5 vite e 8 muaj burg
Klajdi Zyka, 28 vjeç, nga Darlaston – 5 vite burg
Qemal Sakaj, 29 vjeç, nga Birmingham – 4 vite e 6 muaj burg
Avdulla Delbashi, 31 vjeç, nga Birmingham – 4 vite e 4 muaj burg
Soni Gremshi, 37 vjeç, nga Birmingham – 3 vite e 4 muaj burg.
Sipas autoriteteve britanike, operacioni ka shënuar një prej goditjeve më të mëdha ndaj kultivimit dhe shpërndarjes së kanabisit të organizuar nga grupe kriminale shqiptare në Mbretërinë e Bashkuar.
