Breshërisë së plumbave në atentatin e Rinasit, nuk i kanë shpëtuar as makinat e qytetarëve të thjesht. Nga sulmi mafioz i ndodhur pranë aeroportit të Rinasit, ku mbeti i vrarë Gilmando Dani, karhu i djathtë i Emiljano Shullazit, dhe u plagos rëndë punonjësi i AMP që ndodhej në makinë, Muçi Shaljani, janë dëmtuar edhe automjete të rastësishme në zonë.
Autorët hapën zjarr me breshëri kallashnikovi, duke qëlluar disa herë drejt makinës ku ndodheshin dy viktimat. Plumbat kanë përshkuar perimetrin përreth, duke goditur edhe automjetin e një qytetari që ndodhej brenda pasi po priste nënën që po kthehej nga Spanja, por fatmirësisht pa e lënduar.
Nga të shtënat, dëmtime kanë pësuar edhe fasadat e disa bizneseve pranë vendngjarjes, duke shtuar frikën dhe panikun mes banorëve të zonës. Policia vijon hetimet për identifikimin e autorëve dhe zbardhjen e plotë të motivit të atentatit që tronditi zonën e Rinasit.
