Të paktën 5 persona janë arrestuar në Tiranë përgjatë 24 orëve, pasi rezultojnë se kanë ushtruar dhunë ndaj bashkëshortëve apo prindërve. Dhuna në familje, në forma të ndryshme, psikologjike apo fizike, vijon të mbetet një nga fenomenet më shqetësuese për shoqërinë.
Rastet:
Specialistët për Hetimin e Krimeve të Komisariatit të Policisë Nr. 3: arrestuan shtetasin M. J., 48 vjeç, pasi dyshohet se ka ushtruar dhunë psikologjike ndaj nënës së tij dhe ka dëmtuar orenditë shtëpiake;
arrestuan shtetasin në kërkim E. S., 32 vjeç, për veprën penale “Dhuna në familje”.
Specialistët për Hetimin e Krimeve të Komisariatit të Policisë Nr. 5 arrestuan shtetasin A. K., 37 vjeç, pasi dyshohet se ka ushtruar dhunë fizike ndaj bashkëshortes së tij.
Specialistët për Hetimin e Krimeve të Komisariatit të Policisë Krujë arrestuan shtetasit:
O. V., 30 vjeç, pasi dyshohet se ka ushtruar dhunë ndaj nënës së tij;
A. Xh., 32 vjeç, pasi dyshohet se ka ushtruar dhunë ndaj babait të tij. Gjatë shoqërimit, ky shtetas ka kundërshtuar me dhunë punonjësit e Policisë.
