Ish-ministri i Shendetësisë Ilir Beqaj, i akuzuar për koncesionin e Sterilizimit vijon debatet në GJKKO pas ndryshimit të akuzës nga gjyqtarja e seancës paraprake.
Ndaj tij është ngritur akuza "vjedhje" duke shpërdoruar detyrën në kuadër të grupit kriminal.
Beqaj pretendoi në seancë se procesverbalet janë të paplota.
"Nuk i kam marrë ende të gjitha procesverbalet. Jam në një situatë që nuk di si do mbrohem. Procesverbalet ja kam kërkuar gjykatës së mëparshme me insistim", tha ai.
Beqaj kërkoi CD e regjistrimit audio gjatë seancave paraprake aty ky është bërë diskutimi i akuzës.
Avokati i Beqajt tha se klienti i tij është në pamundësi për t'i dëgjuar debatet e seancës të regjistruara në audio.
"Na duhet një "Djellë " mesa duket, se CD duhet ti marrësh kundrejt tarifës, pra i bie të blesh akuzën. Do i bëj kërkesë gjykatës që të më sjellë kompjuter t'i dëgjoj por duhet të urdhëroni drejtorinë e Burgjeve që të ma lejojë", theksoi më tej ai.
Gjykata pasi dëgjoi palët vendosi ta shtyjë procesin për t'i dhënë kohë avokatëve të Beqajt që të bëjnë kërkesat e tyre me qëllim për të marrë CD e seancave paraprake. Seanca e radhës u shty për në datën 30 tetor.
