Kryetari i Bashkisë Shkodër, Benet Beci, është paraqitur në SPAK.
Sipas burimeve, Beci është zyrtarisht i pandehur pas të dhënave që dolën nga telefoni i ish-kreut të ARRSH, Evis Berberi.
Ndaj Becit u regjistrua procedim penal për shkelje të barazisë në tendera apo ankande publike, kryer në bashkëpunim më 23.10.2024.
Kryebashkiaku akuzohet për tenderin me vlerë 700 mijë euro të vitit 2019, me objekt zhvillimi strategjik i sektorit energjitik (projekt kërkimor).
Bashkë me Benet Becin, nën hetim për këtë tender janë marrë edhe disa zyrtarë të tjerë me rol në Komisionin e Vlerësimit të Ofertave.
