Shtyhet seanca për ish-presidentin Ilir Meta dhe të pandehurit e tjerë për në datën 17 nëntor. Kujtim Çakrani kërkoi përjashtimin e gjyqtares së Posaçme Irena Gjoka, për shkak se sipas tij është nën hetim nga SPAK pasi ka fshehur dënimin në shtetin grek. Pas kësaj ai braktisi seancën gjyqësore pasi tha se s’mund të jetë fasadë e një procesi që bëhet çfarë do SPAK. Gjykata njoftoi Dhomën e Avokatisë për sjelljen e Çakranit dhe në kushtet kur ish-presidenti mbeti pa mbrojtje e shtyu procesin për të hënën e ardhshme.
