Policia konfirmoi lajmin e VNA për aksionin në Fushë Kuqe dhe Dobraç të Shkodrës. Në pranga në Fushë Kuqe ranë dy të kërkuar nga SPAK, Elvin Merlika dhe Alket Xhixha.
Elvin Merlika akuzohet nga SPAK si pjesëmarrës në planin për të vrarë Indrit Doklen, ngjarje e porositur nga Ervis Martinaj, mbreti i kumarit i zhdukur pa gjurmë prej gushtit 2022. Por Ilir Proda, nga ana tjetër, teksa flet për suksesin në Fushë Kuqe, hesht për dështimin në Dobraç ndaj grupit Bajri, ku pati kontrolle por doli duarbosh.
Në foto Elvin Merlika
Emrat e Elvin Merlikës dhe Alket Xhixhës dolën gjatë dëshmisë së të penduarit të drejtësisë Nuredin Dumani në kuadër të hetimit të dosjes Plumbi i Artë.
Merlika, i konsideruar si ushtari i Ervis Martinaj, ishte pjesë e planit për të vrarë Endrit Doklen. Ndërsa Xhixhë akuzohet se ndërmjetësoi takimin mes Martinaj dhe Nuredin Dumanit.
Në foto Alket Xhixha
Gjatë kontrollit, policia ka sekuestruar:
2 armë zjarri tip pistoletë
2 armë gjahu
Municion luftarak pa leje
2 radio ndërlidhëse si ato të policisë
Një jelek antiplumb
