Policia e Shtetit ka finalizuar operacionin policor të koduar “Operacionalja 66”, i zhvilluar nga Drejtoria e Forcës së Posaçme Operacionale. Si rezultat, u arrestua në Tiranë 43-vjeçari Mersin Cenolli, alias Ervis Cenolli, i shpallur në kërkim ndërkombëtar nga Interpol Roma.
Cenolli ishte dënuar nga Gjykata e Apelit në Milano me 5 vite e 1 muaj burg për pjesëmarrje në një organizatë kriminale që trafikonte lëndë narkotike. Arrestimi u krye me qëllim ekstradimin në Itali, ndërsa Interpol Tirana po vijon procedurat për dorëzimin e tij tek autoritetet italiane.
Policia e Shtetit
Finalizohet nga Drejtoria e Forcës së Posaçme Operacionale, operacioni policor i koduar “Operacionalja 66”.
Kapet në Tiranë, një 43-vjeçar, i dënuar në Itali, me 5 vite e 1 muaj burgim, për pjesëmarrje në organizatë kriminale që trafikonte lëndë narkotike.
Në vijim të operacioneve të njëpasnjëshme për kapjen e shtetasve të shpallur në kërkim ndërkombëtar, strukturat e Drejtorisë së Forcës së Posaçme Operacionale në DPPSh finalizuan operacionin e koduar “Operacionalja 66”. Gjatë këtij operacioni, u kap në Tiranë, dhe u arrestua me qëllim ekstradimin në Itali, shtetasi:
Mersin Cenolli alias Ervis Cenolli, 43 vjeç, banues në Tiranë.
Ky shtetas ishte shpallur në kërkim ndërkombëtar nga Interpol Roma, pasi Gjykata e Apelit në Milano, me vendimin e datës 06.05.2025, e ka dënuar me 5 vite e 1 muaj burgim, për pjesëmarrje në organizatë kriminale që trafikonte lëndë narkotike.
Interpol Tirana vijon procedurat në bashkëpunim me autoritetet italiane, për ekstradimin e këtij shtetasi.
