Arrestohet Gazmend Buçpapa, i cili goditi për vdekje me thikë Egli Pashollarin. Ngjarja ndodhi disa ditë më parë dhe krimi u krye në sy të bashkëshortes së autorit të dyshuar, e cila sipas hetuesve dyshohet të ketë qenë edhe shkak i përplasjes mes Buçpapës dhe ish-gardianit të burgut 313.
Buçpapa u arrestua në kuadër të aksionit të koduar “Distanca”.
“Autori, shtetasi G. B., u mbajt në mbikëqyrje teksa fshihej në një banesë në Tropojë”, njoftoi policia.
Ngjarja ndodhi më datë 20.02.2026, gjatë një konflikti në rrugën “Kongresi i Lushnjës”, ku dy palët u përplasën dhe nga goditja me thikë humbi jetën ish-gardiani.
40-vjeçari Buçpapa akuzohet për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.
