Policia ka arrestuar një 41-vjeçar, i cili mbrëmjen e së premtes (15 gusht) plagosi me thikë bashkëjetuesen e tij në banesë, pas një konflikti për motive të dobëta.
Ngjarja ka ndodhur në rrugën “Besim Alla”, ndërsa gruaja ndodhet nën kujdesin e mjekëve, gjendja e saj aktuale nuk është bërë e ditur.
Njoftimi i policisë:
Specialistët për Hetimin e Krimeve të Rënda, në bashkëpunim me Komisariatin e Policisë Nr. 6, reaguan menjëherë pas njoftimit për ngjarjen dhe identifikuan autorin e dyshuar, shtetasin F. C., 41 vjeç, i cili u vu në pranga.
Sekuestrohet mjeti prerës (thikë) i përdorur në ngjarje.
Materialet procedurale janë referuar Prokurorisë së Tiranës për veprime të mëtejshme.
