Në kuadër të një aksioni që u zhvillua dje në Fushë-Krujë, u arrestua një 38-vjeçar që lëvizte me armë pa leje dhe dy miqtë e tij që udhëtonin në të njëjtën makinë.
Të arrestuar janë Egeralt Mziu, Enis Dema dhe Ilir Dobrozi.
Njoftimi
Tiranë/Finalizohet operacioni “Flagranca 3”, në vijim të aksioneve të Policisë së Tiranës kundër armëmbajtjes pa leje.
Lëvizte me pistoletë në automjet, në fshatin Luz, Krujë, arrestohet 38-vjeçari.
Në pranga edhe 2 pasagjerët në këtë automjet, pasi nuk kallëzuan posedimin e armës.
Sekuestrohet arma e zjarrit me municion luftarak.
Si rezultat i kontrolleve të vazhdueshme dhe administrimit të shpejtë të informacioneve të siguruara në rrugë policore, me objektiv identifikimin e shtetasve, të cilët duke lëvizur të armatosur cenojnë sigurinë e qytetarëve, shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Krujë, finalizuan operacionin policor të koduar “Flagranca 3”.
Gjatë operacionit u arrestuan në flagrancë shtetasit E. M., 38 vjeç, E. D., 34 vjeç dhe I. D., 39 vjeç.
Nga kontrolli në automjetin që drejtonte 38-vjeçari, në fshatin Luz, Krujë, në të cilin ishin pasagjerë 2 të arrestuarit, u gjet një armë zjarri pistoletë me municion luftarak, që posedohej pa leje.
Materialet procedurale iu referuan Prokurorisë së Tiranës, për veprime të mëtejshme.
