Policia e Tiranës njoftoi se ka arrestuar 18 persona, tre prej të cilëve të mitur të cilët hodhën lëndë piroteknike, molotovë, dhe sende të forta si dhe kundërshtuan uniformat blu gjatë tubimit të zhvilluar nga opozita më 20 shkurt.
“Në përfundim të veprimeve të para hetimore të kryera në lidhje me veprimet e kundërligjshme të kryera nga një grup protestuesish gjatë tubimit të zhvilluar mbrëmjen e djeshme nga subjekti politik Partia Demokratike, të cilët kanë kundërshtuar punonjësit e Policisë së Shtetit që kishin marrë masa për ruajtjen e institucioneve shtetërore, për garantimin e rendit dhe sigurisë publike dhe për lëvizjen e lirë të qytetarëve përreth territorit ku po kryehej tubimi, si dhe kanë hedhur drejt punonjësve të policisë dhe institucioneve lëndë djegëse (molotovë) dhe sende të forta drejt tyre, arrestuan në flagrancë 18 shtetas, si dhe u proceduan penalisht 27 shtetas të tjerë”, thuhet në njoftim.
Ndërsa deputeti demokrat Klevis Balliu, po hetohet në gjendje të lirë si organizator.
“Nisi procedimi në gjendje të lirë për shtetasin Klevis Balliu deputet, për veprën penale “Organizimi dhe pjesëmarrja në grumbullime dhe manifestime të paligjshme”, theksohet më tej. Policia deklaroi se ka sekuestruar 25 molotovë të pashpërthyer. Ndërkohë opozita akuzon policinë për veprime të dhunshme ndaj qytetarëve.
Protestuesit e arrestuar:
Vilson Isha
Egli Xhaferi
Krenar Nela
Riza Isenlikaj
Alvaro Karrata
Kujtim Kothi
Fatmir Dodaj
Bledar Bivja
Ardian Deda
Dionis Gremi
Abdulla Isha
Edvin Cato
Robert Patuçi
Marsel Kuçi
Agim Deda
(3 të tjerë të mitur)
