Gjykata e Posaçme cakton masën e sigurisë “arrest në shtëpi” ndaj avokatit Besart Logu, ndaj të cilit rëndojnë dyshimet për akuzën e ushtrimit të ndikimit të paligjshëm. Gjykata ka urdhëruar kontroll në zyrën e tij të punës.
Besart Logu dyshohet se mori 8 mijë euro duke i premtuar një të akuzuari se do të ndikonte në prokurorinë e Tiranës dhe gjykatën për t’i ndryshuar masën nga arrest në burg në një masë më të lehtë. Personi akuzohej për mashtrim me TVSH.
Reagimi
Avokati Besart Logu ka reaguar në rrjetin e tij social, Facebook, lidhur me masën e sigurisë “arrest shtëpie” që SPAK lëshoi sot ndaj tij.
Screenshot_18Logu dyshohet për ushtrim të ndikimit të paligjshëm pasi akuzohet se i mori një klienti 8 mijë euro.
Besart Logu u denoncua nga një shtetas italian të arrestuar për mashtrim me TVSH. Ai akuzohet se i mori klientit italian 8 mijë euro për të ndikuar te prokurorë e gjyqtarë të Tiranës që t’i lehtësonte masën e sigurisë.
Sakaq ai ka hedhur poshtë akuzat që rëndojnë ndaj tij, duke thënë se është i gatshëm të përballet me akuzat.
“Kështu, jam i gatshëm të përballem me këtë akuzë sepse jam i bindur në një të vërtetë absolute:
▪︎ Nuk kam marrë para për ushtrim të ndikimit të paligjshëm.
▪︎ Nuk kam takuar asnjë zyrtar drejtësie
▪︎ Si dhe nuk është marrë mbrapsht asnjë shërbim i kundraligjshëm.
Këtë e provon çështja në fjalë dhe e gjithë ecuria e saj. I vetmi problem momental për mua është shqetësimi i krijuar tek familja e tek të njohurit të cilët gjej rastin t’i falenderoj per suportin moral që më kanë dhënë”, shkruan avokati.
