Gjykata e Tiranës caktoi masën e sigurisë “arrest në burg” për Bardhyl Fushën.
Ai akuzohet për grabitjen në tentativë të filialit të Fibank.
58-vjeçari deklaroi në sallën e gjyqit se veprimin e kreu për shkak të borxheve të shumta.
“E bëra nën presionin e madh psikologjik, në të cilin jetoj prej kohësh për shkak të borxheve që kam”, u shpreh ai.
Fusha hyri i armatosur në bankë dhe, pasi qëlloi me armë, mori nga arka dhe futi në çantë 8 milionë lekë të vjetra. Ai u arrestua pa arritur të dilte nga banka.
