Drejtoria e Burgjeve ka njofruar zyrtarisht Gjykatën e Posaçme për arratinë e Altin Ndocit. Shkresa e DPB u lexua gjatë procesit gjyqësor të dosjes “Plumbi i artë”.
“Nuk mund të bëhet shoqërimi i Altin Ndocit, pasi nuk ndodhet në ambientet e IEVP Durrës, si pasojë e arratisjes së tij nga Spitali Rajonal Durrës. Është shpallur në kërkim nga policia”, citoi gjykata shkresën e Burgjeve. Altin Ndoci akuzohet për vrasjen e Andi Zylifi në kuadër të dosjes Plumbi i Artë. Ai akuzohet edhe për vrasje të tjera.
Në lidhje me situatën, prokurorët e SPAK në sallën e gjyqit i kërkuan gjykatës t’i drejtohet me shkresë për informacion në lidhje me Altin Ndocin, nëse është i shpallur ose jo në kërkim prej saj.
Trupi gjykues vendosi që sot ta shtyjë seancën derisa policia e shtetit ta pajisë gjykatën me shkresën zyrtare që provon se Altin Ndoci nuk ndodhet në adresën e tij të ligjshme.
Seanca e radhës është në 20 janar.
